Coa chegada do veleiro Deusa Maat a Vigo, o próximo 23 de xullo, Ecoloxistas en Acción, Verdegaia e a rede “A Ría Non  se Vende” presentarán o informe “Bandeiras Negras 2008” sobre a alarmante situación dos ecosistemas litorais do Estado español, e concederán Bandeiras negras e Puntos Negros ás zonas máis agredidas do litoral vigués. 

A denuncia penal foi presentada polo Foro Social de Cangas o pasado día 24 de marzo contra diversos responsables das actuacións tendentes a concretar unha das máis evidentes operacións especulativas que se poden ollar hoxe en Galicia, a urbanización do Salgueirón en Cangas. Esta denuncia xa foi informada polo Xulgado nº 6 de Vigo, admitindo a posible existencia de infraccións penais das comprendidas no artigo 757 da Lei de Enxuizamento Criminal. 

Mentres Touriño di "os manifestantes non entenden "que o novo Goberno está protexendo o medioambiente como nunca"

Le a nova no Blog da Rede Galiza Non se Vende

Verdegaia-Compostela  e Verdegaia-Vigo convídante á proxección do documental “O salario do silencio”, sobre a planta regasificadora que  REGANOSA construiu na ría de Ferrol. Serán, respectivamente, no local da Gentalha do Pichel  en Compostela (rúa Santa Clara, 21) o mércores 4 de xullo ás 20:30 h, e no Centro Cívico do Casco Vello en Vigo (rúa Oliva nº 12) o xoves 5 de xullo ás 19:30. Logo de cada unha das proxeccións, haberá unha mesa redonda coa presenza do directore, Enrique Banet, da produtora executiva, a actriz Mabel Ribera, e dun representante do Comité Cidadán de Emerxencia para a ría de Ferrol.