Con motivo do Día Internacional da loita labrega, a Plataforma Galega Antitransxénicos e a Rede Anticapitalista Galega, das que Verdegaia fai parte, levaron a cabo unha acción representativa da desaparición da agricultura tradicional a mans das empresas multinacionais da alimentación. Tras a celebración do enterro  na Praza Roxa de Santiago de Compostela, e o conseguinte veloiro-manifestación, procedeuse ao reparto de información denunciando os longos percorridos que recorren actualmente os alimentos, producidos a baixo custo polas multinacionais en países onde as leis permiten condicións de traballo que serían ilegais na Unión Europea, para logo poñelos á venta tras seren gravados con  grandes marxes comerciais.

Venres 17 de Abril, a Ra! e a PGA , das que fai parte Verdegaia, convocan a participar nun acto reivindicativo co gallo do Día Internacional da Luita Labrega. Ás 17:30 horas, na Praza Roxa de Santiago de Compostela, representarase a morte da agricultura labrega e repartirase información nas imediacións do Carrefour. Prégase asisitir con roupas negras.

Ecologistas en Acción lembra que unha economía baseada no crecemento, o crédito e a competitividade nunca poderá ser sostible nin igualitaria, e esixe un cambio radical do sistema económico.