A campaña Quen Debe a Quen? (da que fai parte Verdegaia) únese ao chamado mundial por unha resposta urxente, persistente e solidaria co pobo de Haití, que inclúa a cancelación imediata e incondicional da ilexítima débeda externa que até o día de hoxe se cobra a Haití.

O Cumio do Clima que se vén de celebrar en Copenhagen non só se pode avaliar negativamente por non estar á altura dun desafío como a crise climática, tamén foi un paso máis no recurtamento das liberdades e a criminalización dos movimentos sociais, desta vez en forma de "detencións preventivas" masivas e actuacións policiais desproporcionadas. Hoxe en Copenhagen aínda hai activistas nonviolentos detidos simplesmente por se manifestar.

A confederación estatal Ecologistas en Acción solicitou unha investigación á Comisión Suroccidental da FAO, para que se analisen os motivos dos actos de piratería realizados sobre a frota pesqueira estranxeira. A piratería somalí é moi probable que teña orixe na sobreexplotación dos seus recursos, o cal non xustifica as súas actuacións criminais, así como na continua situación de inestabilidade política que sofre o país, na que tanto Occidente como os Señores da Guerra, xogan un papel de grande relevancia.

As organizacións civís Acsur-Las Segovias, Amarante, Coordinadora de Crentes Galegas e Galegos, Foro Galego da Inmigración, Fuco Buxán, Sindicato Labrego Galego, Verdegaia e Wipala solicitaron ós representantes dos tres grupos parlamentares que insten ao Parlamento de Galicia a realizar unha declaración na que non se recoñezan as eleicións que se celebraron o pasado domingo en Honduras.