Verdegaia demanda, como xa o fixo anteriormente a Federación Ecoloxista Galega, que se suspenda o concurso eólico mentres non se elabore un novo Plano Sectorial Eólico e se amplíe a Rede Natura 2000. Ao se ter convocado o concurso sen fixar previamente límites ambientais adecuados á instalación de novos parques, a ampliación da potencia eólica en 2.325 MW provocará danos graves ao patrimonio natural galego.

Cando aínda non rematou o prazo para os temas importantes da Demarcación Hidrográfica Miño-Sil, séguese aproveitando o tempo para dar máis concesións hidroeléctricas antes de que se poidan cuestionar con máis criterio no marco da planificación hidrolóxica.O día 20 saíu publicada a autorización do cambio de caudal do encoro de Santo Estevo para aproveitalo noutra central de turbinaxe chamada Santo Estevo II.

 A presenza de Manuel Vázquez, conselleiro de Medio Ambiente,  no recente Cumio anual do Clima da ONU, da man da ministra galega Elena Espinosa, é unha operación de puro marketing político en plena precampaña electoral. 

O acordo atinxido o 12 de decembro polos Xefes de Estado e de Goberno europeos sobre o Paquete de Clima e Enerxía, que define a resposta da Unión Europea perante as alteracións climáticas, foi considerado como un auténtico fracaso pola Rede Europea de Acción contra o Clima. O acordo é inconsistente co obxectivo de contribuír a manter o quecemento global por debaixo dos 2ºC. Organizacións ecoloxistas e de desenvolvemento pediron ao Parlamento europeo que o rexeite.

Está a decorrer na cidade polaca de Poznan a Conferencia anual dos estados membros da Convención Marco da ONU sobre Mudanza Climática. Unha cita moi importante no camiño cara a un novo acordo internacional para a redución das emisións de gases de efecto invernadoiro que substitúa o Protocolo de Quioto despois de 2012. Podes informarte sobre a marcha da conferencia a través das crónicas desde Poznan de Pablo Cotarelo, representante da confederación ecoloxista estatal Ecologistas en Acción .

Entre o 1 e o 12 de decembro ten lugar en Poznan (Polonia) unha nova Conferencia das Partes da Convención de Nacións Unidas sobre Alteracións Climáticas. A crise económica non pode ser utilizada para debilitar a loita contra o quecemento global, cada vez máis urxente. Participa agora nunha ciberacción para esixir ao Presidente do Goberno que se comprometa a promover en Poznan que os países máis desenvolvidos reduzamos as  emisións de gases de invernadoiro un 30% en 2020, a respecto de 1990.