A Consellaría de Industria vén de se publicar, o 13 de agosto, a autorización administrativa previa da planta satélite de gas natural licuado (GNL) de Ribeira, á que a asociación ecoloxista Verdegaia presentara alegacións no ano 2008 en relación ás deficiencias de seguranza detectadas no proxecto, aos riscos de transporte do gas por estrada, á baixa sustentabilidade ambiental deste sistema e á súa ubicación nun monte veciñal con alto valor etnográfico.
Verdegaia vén de ter acceso ao documento de contrato de aluguer entre o concello de Ribeira e Gas Galicia, levado ao pleno do mes de xuño para a súa aprobación, e aprobado cos votos afirmativos do PP e o PSOE, a abstención do BNG e o voto negativo de IPR; comprobando que este contén irregularidades.
A confederación estatal Ecologistas en Acción lanza unha campaña
de denuncia ao PSOE por incumprimento do seu programa electoral, xa que non pechou en dúas lexislaturas nin unha central nuclear. Faino concedendo o Premio
Atila a José Luis Rodríguez Zapatero e presentando unha campaña gráfica.
Ante
a presentación no Concello de Ribeira do proxecto
de Planta Satélite de Recepción, Almacenamento e Regasificación de
Gas Natural Licuado,
no monte de San Alberte, Verdegaia vén
de solicitar aos partidos políticos da oposición municipal o seu
posicionamento sobre o tema. Esta planta suporía a circulación continua de camións con gas licuado pola bisbarra para subministrar a planta, un produto áltamente inflamábel e moi perigoso como demostra o recente accidente na Toscana Italiana. Asemade, representa un dobre investimento para a mesma función xa que existe un proxecto en marcha para a construción dun gasoducto que subministre a Ribeira.
Ecologistas en Acción e Greenpeace promoveron un manifesto polo
peche da central nuclear de Garoña, asinado por máis de 200 personalidades de
todos os ámbitos, así como profesionais e empresarios. Verdegaia sumouse a este
manifesto a prol do peche de Garoña, unha instalación insegura e totalmente prescindible grazas á
achega das enerxías renovables.
Verdegaia vén de presentar hoxe (15 de xuño) alegacións contra a explotación hidroeléctrica San Pedro II, que, aínda que se considera unha explotación independente, é unha ampliación do encoro de San Pedro, facendo un túnel na parede do canón do río (en zona LIC) para aumentar a explotación enerxética cunha central baixo terra que turbinaría máis caudal, que provén dun aumento concedido en Santo Estevo II.
Segundo os datos divulgados polo Ministerio de Medio Ambiente e Medio Rural e Mariño (1), as emisións de dióxido de carbono (CO2) dos sectores industriais aos que se lles aplica a Directiva Europea de Comercio de Emisións reducíronse en Galicia o 31,36% en 2008 a respecto de 2007. A principal causa desta importante diminución foi a crise económica. O sector con maiores emisións, o da xeración eléctrica, reduciu a súa achega á mudanza climática nun 38%. A térmica de carbón das Pontes (ENDESA) foi responsable do 58% das emisións de todas as industrias galegas que participan no comercio de emisións.
Enerxía e Cambio Climático
Segundo os datos divulgados polo Ministerio de Medio Ambiente e Medio Rural e Mariño (1), as emisións de dióxido de carbono (CO2) dos sectores industriais aos que se lles aplica a Directiva Europea de Comercio de Emisións reducíronse en Galicia o 31,36% en 2008 a respecto de 2007. A principal causa desta importante diminución foi a crise económica. O sector con maiores emisións, o da xeración eléctrica, reduciu a súa achega á mudanza climática nun 38%. A térmica de carbón das Pontes (ENDESA) foi responsable do 58% das emisións de todas as industrias galegas que participan no comercio de emisións.
