|
|
Luns, 29 de Maio do 2006 |
|
 A asociación ecoloxista Verdegaia presenta simultaneamente nos Concellos de A Coruña, Ferrol, Pontevedra, Vigo, Lugo, Ourense e Compostela a moción Estratexia Municipal fronte ao Cambio Climático na que propón un catálogo de medidas a adoptar dende os municipios para contribuír a reducir a incidencia do cambio climático. Verdegaia considera que os Concellos deben integrar a mitigación do cambio climático nas súas políticas, o que incidirá positivamente na prevención do maior problema ambiental global e na mellora da calidade de vida da cidadanía.
|
|
Ler máis...
|
|
|
Luns, 29 de Maio do 2006 |
 No ano 2005, o primeiro no que se aplicou na UE o comercio de dereitos de emisión de dióxido de carbono (CO2) a algúns sectores industriais, as emisións galegas de gases que provocan o cambio climático subiron o 8,6%. Isto supón que o aumento das emisións galegas entre 1990 e 2005 foi do 45,9%, 3 veces superior ao obxectivo límite para o conxunto do Estado español que o Protocolo de Quioto establece para o período 2008-2012. O aumento das emisións galegas foi inferior ao español (52,9%), pero superior ao da práctica totalidade dos estados máis desenvolvidos. Cunhas emisións totais de 41,9 millóns de toneladas, as emisións por habitante de Galicia superaron en 2005 as 15 toneladas/ano, situándose entre as máis altas do mundo |
|
Ler máis...
|
|
|
Venres, 28 de Abril do 2006 |
Verdegaia presentou comentarios perante o Ministerio de Medio Ambiente dentro do período de consulta pública aberto para a elaboración do Plan Nacional de Asignación de Dereitos de Emisión (PNA) para o período de 2008-2012, o principal instrumento para cumprir o Protocolo de Quioto. O Goberno central presentará proximamente unha proposta de PNA que deberá ser remitida á Comisión Europea antes do 30 de Xuño.
|
|
Ler máis...
|
|
|
Venres, 21 de Abril do 2006 |
 Con motivo da celebración internacional do Día da Terra (22 de abril), dedicado este ano ao cambio climático, a asociación ecoloxista galega Verdegaia denunciou cunha acción, realizada hoxe pola mañá fronte á Consellería de Medio Ambiente primeiro, e logo fronte á Consellería de Industria, as elevadas emisións de gases causantes do cambio climático das centrais térmicas de carbón das Pontes (ENDESA) e de Meirama (UNIÓN FENOSA). |
|
Ler máis...
|
|
|
Xoves, 20 de Abril do 2006 |
 Na véspera do Día da Terra (22 de abril), iniciativa internacional dedicada neste ano ao cambio climático, Verdegaia presenta o informe “Centrais térmicas de carbón: grandes fábricas de cambio climático”.
|
|
Ler máis...
|
|
|
Luns, 17 de Abril do 2006 |
|
Segundo o estudo “Impacto sobre a saúde das emisións de grandes focos contaminantes”, realizado pola consultora inglesa EMRC para The Swedish NGO Secretariat on Acid Rain1, a central térmica de carbón de ENDESA nas Pontes é o foco emisor de toda Europa que maiores danos á saúde humana provoca por emisións de dióxido de xofre (SO2) e de óxidos de nitróxeno (NOX). De acordo co mesmo estudo, a central térmica de carbón de UNIÓN FENOSA en Meirama (Cerceda), ocupa o lugar 24 entre os maiores focos contaminantes da UE-25, Suíza e Noruega. |
|
Ler máis...
|
|
|
<< Inicio < Ant. 1 2 3 4 5 Seg. > Remate >>
|
| Resultados 45 - 50 de 50 |
Enerxía e Cambio Climático
