Ecologistas en Acción sostén que o Cumio do Clima de Bali, que decorre entre o 3 e o 14 de decembro, debe establecer unhas bases ambiciosas na loita contra as alteracións climáticas a partir de 2012. Quioto foi un pequeno paso, mais é esencial e perentorio adoptar medidas de maior calado para evitarmos un cambio climático catastrófico. A Humanidade ten dez anos para construír un novo futuro.

O apagón "Fronte ao cambio climático: actúa xa" é unha iniciativa cidadá convocada por 152 organizacións e entidades de todo o Estado español, entre elas Verdegaia. Celebrarase mañán 15 de novembro, de 20:00 a 20:05 h, e o seu obxectivo é sensibilizar sobre a necesidade de adoptar medidas urxentes perante a ameaza do cambio climático. Verdegaia demanda accións para reducir as emisións de Gases de Efecto Invernadoiro (GEI) desde Galicia, que aumentaron un 30% entre 1990 e 2004. 

Con motivo da presentación dun novo informe científico das Nacións Unidas sobre cambio climático durante a semana do 12 ao 17 de novembro en Valencia, numerosas organizacións ecoloxistas, sindicais, sociais e cidadás do Estado español, entre elas Verdegaia, convocan un apagón co lema de  "FRONTE AO CAMBIO CLIMÁTICO: ACTÚA XA", para o día 15 de novembro de 2007 entre as 20,00 e as 20,05 horas da tarde.

Para Ecologistas en Acción, a pesar de certos aspectos positivos da proposta de Estratexia Española de Cambio Climático e Enerxía Limpa que vén de aprobar o Consello de Ministros, séguense botando en falla algúns puntos importantes na loita contra o cambio climático.

Verdegaia enviou carbón ao conselleiro de Industria, Fernando Blanco, e mais ao de Medio Ambiente e Desenvolvemento Sostible, Manuel Vázquez, pola súa compracencia cara as centrais térmicas de carbón de As Pontes e Meirama. Mentres Fernando Blanco se felicita pola continuidade das térmicas de carbón máis alá do inminente esgotamento do carbón galego, Manuel Vázquez olla para outro lado perante estas enormes fábricas de cambio climático.