A Plataforma Galega AntiTransxénicos, da que Verdegaia fai parte, inicia unha campaña informativa na procura da declaración de Galiza como Zona Libre de Transxénicos, así como dunha lexislación para etiquetaxe de produtos moito máis estrita que permita coñecer os ingredientes reais que os compoñen, facilitando a elección consciente e responsábel de cada un de nós. 

Verdegaia considera lamentable a instalación por parte do concello de Vigo de 28 sinais indicadores por toda a cidade co lema "Cíes, a mellor praia do mundo". Estes sinais, colocados en puntos como a praza de España, Sanjurjo Badía ou Bouzas, difunden unha imaxe do Parque Nacional das Illas Atlánticas como un espazo turístico de sol e praia, algo que se opón frontalmente aos obxectivos de conservación e protección que inspiraron a súa creación. 

Verdegaia presentou, en prazo de exposición pública, alegacións contra o proxecto da canteira que prevé construir a empresa Miñor Granitos S.L. no Monte Comunal da Parroquia de Sabaxáns, no Concello de Mondariz. 

Verdegaia vén de propor á Dirección Xeral de Conservación da Natureza a ampliación da Zona de Especial Protección das Aves (ZEPA) “A Limia” tal e como quedara na última xuntanza do grupo de traballo creado entre grupos ecoloxistas, sindicatos agrarios e a Consellería de Medio Ambiente para chegar a unha solución consensuada para esta ZEPA.