Verdegaia, Amarante, Caleidoskopio, CS A Formiga, CXT, GAS e a Oficina de Dereitos Sociais Coia organizan as Xornadas contra a Banca en Vigo que se desenvolverán durante os sábados do mes de novembro. Este sábado 7 ás 11:30 h desenvolverase un acto contra a banca no cruce de Colón coa rúa Príncipe, no que se ubicará unha mesa e paneis informativos, distribuirase información á cidadanía e realizarase unha "performance". As Xornadas complétanse con charlas e mesas redondas a celebrar nos restantes sábados deste mes.

Organizado polo plataforma A Ría Non se Vende, da que fai parte Verdegaia, o sábado 7 de novembro as 19:00  celébrase unha mesa redonda no antigo reitorado da rúa Areal en Vigo sobre a problemática da ría de Vigo.

Seguimos. Un mes máis, as asociacións e colectivos que formamos parte de Vigotroca invitámosvos a participar no mercadiño mensual de troco e cesión que celebramos cada último sábado de mes na rúa Urzáiz, fronte ao mercado do Calvario, en Vigo. O 26 de setembro tes unha nova cita co sentido común, a ecoloxía e o aforro. Parácheste a pensar en cantas cousas tes en casa que non utilizas? Fai limpeza, escolle aquilo que está en bo estado e vén ao mercadiño. Seguro que o que ti xa non usas, outra persoa necesítao. E ao revés: para que comprar o que podes atopar de balde? Libros, discos, roupa, electrodomésticos, informática...