A debilidade da economía local está servindo para asentar o poder dos grandes capitais. O alto nivel de paro e precariedade permite ao sistema afondar na reforma neoliberal do mercado de traballo, recortar as pensións e as coberturas sociais, ao tempo que as políticas económicas para enfrontar estes problemas están claramente orientadas a rescatar as persoas máis ricas e poderosas en vez de garantir o benestar dos sectores populares.

Palestra a cargo de Francisco Ferrer do Seminario Taifa de Economía Crítica de Barcelona.

Xoves 23 setembro ás 20h na Escola Popular Galega, Rua Real,12, Vigo.

Organizan: GAS, Verdegaia e a ODS de Coia.

Dende o núcleo comarcal de Verdegaia-Vigo vimos de presentar unha denuncia perante a Confederación Hidrográfica do Miño-Sil polos verquidos que veciñas da localidade do Porriño teñen detectado nos pasados días 1 e 8 de agosto nas augas do río Louro. Na tardiña de ámbolos dous domingos a empresa Frigolouro ten realizado verquidos compostos por restos orgánicos, sangue e lixivias, provintes posiblemente da limpeza dalgunha das salas desta industria cárnica. 

Activistas do núcleo comarcal de Vigo mantiveron un encontro dixital cas lectoras de Faro de Vigo a través da web deste xornal, durante a mañá do 12 de agosto. Verdegaia respostou a tódalas cuestións que expuxeron as lectoras.

O resultado deste encontro pódese ver no seguinte enlace:

  http://comunidad.farodevigo.es/entrevista-chat/1647/Sociedad/verdegaia/entrevista.html