A Asociación de Consumo Responsable do Val Miñor (ACREXOVAL), está levando a cabo unha campaña polo transporte sostible. Dentro desta campaña, elaboraron un documento aberto sobre a situación e posibles alternativas de transporte sostible no Val Miñor. A súa intención é que este documento sexa coñecido pola sociedade e solicitan a quen o lea que lles aporte os comentarios que considere precisos, de xeito que sirvan para enriquecer dito documento.

Descarga o documento 

O río Eifonso é un dos espazos naturais con maior valor ecolóxico do Concello de Vigo. A súa fraga de ribeira, con especies vexetais que en todo o concello só atopamos neste lugar, a pureza das súas augas, a fervenza da Ferrolana (a máis grande da bisbarra) ou a riqueza etnográfica que alberga fan deste río un entorno de singular valor e beleza.

Durante o transcurso do roteiro aproveitaremos a ocasión para observar diferentes especies de plantas, felgos, aves, anfibios, peixes,… e poderemos coñecer algúns dos principais valores naturais e culturais deste espazo natural.

 Será o domingo 3 de decembro, saíndo ás 10:00 dende a Igrexa do Mosteiro (Bembrive).

A día de hoxe a saúde da Ría de Vigo está sendo gravemente agredida e ameazada: verquidos contaminantes, depuradoras deficitarias, aterramentos, plans de urbanización insostíbeis, portos deportivos sen control,... que danan letalmente as praias, outros ecosistemas da ría e os seus recursos, a pesca e o marisqueo. A.C. A Revolta, A.C. Caleidoskopio, Adega, Bouzas Móvete, Foro Social de Cangas, GAS, Luita Verde, OAR Redondela, Salvemos Monteferro, Verdegaia e Voces polo Litoral de Teis convocan para este sábado 2 de decembro, unha caravana en defensa da Ría de Vigo, percorrendo 15 puntos negros. Sairase ás 10:00 da praia de Patos, para chegar ás 14:00 ao xantar popular en Punta Salgueirón (cadaquén levará a súa comida)

O martes 28 de Novembro, ás 20:00h no Centro Cívico do Casco Vello de Vigo (R/Oliva 12), terá lugar a presentación do libro Viaxe Ao País das Nubes. O autor, Manolo Pipas, membro do grupo GAIM (Grupo de Apoio @s Indíxenas Magonistas), daranos a coñecer entre poemas, reflexións e coloquios parte da cruenta situación na que as comunidades indíxenas mexicas están a desenvolver a súa longa e digna loita dende a resistencia pacífica.Presenta o acto o núcleo comarcal Verdegaia en Vigo.