Verdegaia, ante a creación do Foro pro Ave, a iniciativa do Concello de Ourense,  foi convocada, xunto con outras organizacións sociais, sindicais e ecoloxistas, á  xuntanza celebrada o día 23 de novembro a iniciativa da tenencia de alcaldía do Concello de Ourense. O acto, segundo a información que se lle deu a esta organización, pretendía recoller as diversas opinións dos colectivos convocados ao respecto do trazado do AVE ao seu paso pola cidade de Ourense.

Hoxe xoves 15 de novembro Verdegaia Ourense celebra a terceira convocatoria do mercadiño de troco, desta volta no Local da Asociación cultural A Esmorga, na Rúa Telleira 9, na zona da Universidade, a partir das 20:00 horas. 

A empresa Distribuidora Eléctrica de Melón quere facer unha minicentral no río Cortella. Dos poucos datos concretos que podemos sacar do impacto ambiental que tería podemos destacar o que eles mesmos presentan no documento chamado “Inventario ambiental del río Cortella”. Este inventario ambiental foi realizado polo consultor ambiental Ingeniería y Ciencia Ambiental S.L. que, como poderedes comprobar, non ten moi claro o que é un estudo de impacto ambiental nin ten moi claro se os criterios dan resultados bos ou malos, dependendo para que. 

O día 14 de setembro Verdegaia Ourense realizou un roteiro por un treito das beiras do río Miño ao seu paso por Ourense, máis concretamente desde a praia da Antena até a primeira papeleira despois da fonte de Reza (paseo das Ninfas). A finalidade da actividade era denunciar o mal estado desde moitos puntos de vista dunha das zonas que desde hai xa algún tempo se vende como un dos potenciais do turismo da cidade.