Do 17 ó 28 de marzo pódese visitar gratuitamente a exposición "Freemos o cambio climático" no local de Verdegaia (Avenida da Habana, 64) en Ourense, en horario de 10:30 a 14:00 e de 17:00 a 20:00 h. de luns a venres, e os sábados de 10:30 a 14:00. 

Os/as veciños/as, Anacos da Cidade e Verdegaia convocan a toda a cidadanía a unha concentración na Praza maior o venres 7 de marzo ás 10:00 h. para protestar contra o incumprimento da retirada das chemineas de Mercadona en Mariñamansa.

O mércores 27 de febreiro saíu na prensa a noticia de que na zona había 59 veciños que reclamaban que se mantivesen as chemineas onde están colocadas actualmente e que se lles daba un prazo de 15 días a todos/as os/as veciños/as da zona e especialmente ós/ás afectados/as que aínda manteñen xuízos abertos previamente, para facer propostas a este respecto.

Retomando as boas vibracións nas Xornadas de Agroecoloxía do ano pasado, Amarante, A Esmorga, Amigos da Terra, Semente e Verdegaia decidimos apostar de novo pola difusión da agroecoloxía como forma de vida alternativa aos círculos comerciais actuais, tanto para consumidoras como para produtoras.