O domingo 7 de xuño o colectivo Sem Um Cam encargarase do segundo mercadiño de troco da Rede Ourense Troca (Amigos da Terra, Amarante, Anacos da Cidade, Sem Um Cam e Verdegaia). Logo do mercadiño do 3 de maio, no que se cambiaron moitas cousas e no que se deu moitísima información sobre a recentemente aberta Cousateca (Rúa do Vilar, 9), vemos como esta actividade se vai asentando e cumpre a súa función de concienciación sobre o noso sistema de consumo.

O mércores 27 e o xoves 28 de maio Verdegaia e Amarante terán un posto na rúa do Paseo con motivo do Día Mundial da Saúde. Á parte de dar información da asociación e das actividades que estamos a desenvolver, levaremos diferentes produtos feitos con material reutilizado (cartón, tetra-bricks, etc.). Amarante fará degustación de varios produtos que ten a vender na tenda. 

Agardámosvos a todos/as de 10:00 a 14:00 e de 16:30 a 20:00 h.

O luns 25 de maio ás 11:00 h Verdegaia e Amarante presentan en Ourense no local que comparten (Avenida da Habana, 64) a Moción de Compra Pública Ética que xa se presentou o día 19 de maio en Compostela.

Máis información

O luns 25 de maio ás 20:00 h. Verdegaia Ourense proxectará na Casa da Xuventude o documental "Unha lousa sobre o Courel " de Namche Films , dentro da programación do Maio Xove.