Como funciona a economía  do sistema capitalista?, como nos afecto no día a día?, qué deberiamos coñecer dela como cidadáns? Estas preguntas e outras que poidamos ter,  tentará contestalas Damián Copena, investigador no Departamento de Economía Aplicada da Universidade de Vigo e experto en economía ecolóxica este mércores 30 de marzo no decurso desta nova edición de "Tertulias con" .. organizadas por Verdegaia Compostela

Data: mércores 30 de marzo. Hora: 20:30. Lugar: Pub Paraíso Perdido. San Paio de Antealtares, 3 Santiago de Compostela,

Food Inc (2008) de Roberto Kenner. 94 min. Expón a realidade da industria alimentaria norteamericana, controlada por unhas poucas corporacións que poñen o lucro por riba da saúde, das condicións laborais ou da protección ao medio ambiente

Esta quinta-feira, 10 de febreiro, temos a segunda proxección do ciclo de cinema “Coñecer para Cambiar” organizado por Amarante Setem e Verdegaia. O ciclo desenvólvese do 3 de febreiro ao 03 de marzo no local social que comparten ambas as organizacións na Avda. Romero Donallo, nº 17 en Compostela. As proxeccións terán lugar os xoves ás 20:30 horas e a entrada é de balde até completar o aforo (30 persoas).

Este sábado, 29 de xaneiro, ven trocar á Praza de Abastos aquelas cousas que tes pola casa e non precisas, mais teñen aínda un valor que lle poden tirar outras persoas. En colaboración coa asociación de comerciantes da Praza de Abastos de Compostela convócase esta feira de troco que, como outros anos, Verdegaia organiza todos os últimos sábados de cada mes neste tradicional recinto de calidade e sustentabilidade. Esta actividade encádrase dentro da campaña permanente de Verdegaia: Consomes ou Devoras?

Nova Tertulia ecolóxistas no bar  "O Paraiso Perdido" de Compostela. O tema para este cuarta-feira, 19 de xaneiro, será "As Brañas do Sar", contando con Marcos López Pena, membro da Gentalha do Pichel, unha das persoas que están a seguir o tema dos informes e o plano especial de urbanismo.