O obradoiro nº2 do programa de Verdegaia “Cociña responsable-mente” realizarase en dous grupos debido á cantidade de participantes do primeiro e a posterior demanda. Realizarase no local da Troita Armada (Rúa Pombal, 18) en Compostela, un será o xoves 11 de xuño ás 19’30h e o outro o sábado 13 de xuño ás 11’30h, polo que debedes avisar en cal queredes participar. Anotádevos en compostela(a)verdegaia.org ou no 676029049. Os contidos versarán sobre a realización dun menú completo (primeiro, segundo e sobremesa) seguindo os principios da Cociña Responsábel. Podes coñecer máis sobre a cociña responsábel aquí

O vindeiro Sábado 30 de maio, Verdegaia-Compostela celebra, en colaboración coa asociación de comerciantes da Praza, unha nova xornada de troco no recinto da Praza de Abastos de Compostela. A temática do troco será libre, é dicir, se poden achegar aqueles obxecto que estean en bo estado, pero que xa non son útiles, para buscarlles un novo dono/a, nun espazo de mercado non capitalista e e de consumo responsábel. Esta nova edición do Mercadiño de Troco de Verdegaia, enmarcado dentro da campaña Consomes ou Devoras?, continúa unha actividade que xa se realizou con grande éxito nesta cidade.