|
Luns, 15 de Marzo do 2010 |
|
Esta mañá a concelleira Elvira Cienfuegos recebeu unha delegación do
núcleo comarcal de Verdegaia, que apresentara un documento de
participación no inicio da Avaliación Ambiental Estratéxica (AAE) da
Xunta para o plano especial que promove o concello neste espazo. O
colectivo ecoloxista achegou a súa preocupación por que desde Ambiente
da Xunta se resolvese finalmente que non era preciso continuar con este
trámite ambiental en base a que o PXOM xa fora aprobado definitivamente
cos preceptivos trámites. No mesmo documento tamén se recolle que a
Xunta declarara a "inviabilidade do submetemento do PXOM á AAE",
deixando na práctica, e até o momento, sen supervisión ambiental as
actuacións nesta paraxe.
|
|
Ler máis...
|
|
|
Luns, 15 de Marzo do 2010 |
|
Falamos de cambialo todo para que todo siga
igual ou falamos de cambialo todo para realmente cambialo todo? Falamos de
educar para aprender a separar residuos ou falamos de educar para aprender a
cambiar o mundo? Falamos de participar votando cada dous anos ou falamos de
participar sempre que queiramos? Desenvolvemento Sostible, Educación Ambiental,
Democracia... palabras que dependendo dos beizos que sirvan de acollida teñen
un ou outro significado. Son palabras prostituídas ou palabras roubadas? Verdegaia – Compostela convídate, unha vez máis,
a participar connosco desta tertulia na que, entre outras cousas, tentaremos
dar resposta a todos estes interrogantes. Vémonos o mércores 17 ás 20:30 no Paraíso Perdido (San Paio de Antealtares, 3. Santiago de Compostela)
|
|
|
Mércores, 10 de Marzo do 2010 |
|
O vindeiro xoves, 11 de marzo, proxectarase a derradeira das películas do ciclo de cine que as dúas asociacións veñen organizando no local que comparten en Compostela. Nesta ocasión, a película escollida é “La Dignidad de los Nadies” (Pino Solanas, 2005), un documental onde queda recollida a reacción popular ao corralito arxentino: comedores populares, piquetes, recuperación de fábricas, traballo solidario en hospitais públicos... Desta volta contaremos cunha participación moi especial: Pablo Carro, compañeiro que conta cunha larga traxectoria de militancia en diferentes movementos sociais en Arxentina, conducirá un coloquio despois do filme, ofrecéndonos algunhas claves para achegarnos a actual situación das iniciativas e experiencias populares xurdidas no país austral nos últimos anos.
|
|
Ler máis...
|
|
|
Martes, 09 de Marzo do 2010 |
|
Verdegaia solicita a anulación do estudo de impacto ambiental publicado pola Demarcación de Costas de Galiza para as súas obras previstas nas Brañas de Laíño.
O proxecto promovido hai xa sete anos baixo o nome de “Parque linear nas ribeiras do río Ulla” carece de calquera fundamentación científica que xustifique a implantación de paseos de formigón, aparcadoiros no miolo da zona protexida, embarcadoiros, praias artificiais e asfaltado de pistas. A intervención, que rebautizada como “Actuacións ambientais...” fora sometida hai tres anos a un primeiro trámite de exposición pública, recebira xa unha forte oposición por parte de Verdegaia, da Sociedade Española de Ornitoloxía (SEO), a Sociedade Galega de Historia Natural (SGHN) e mesmo da Dirección Xeral de Conservación da Natureza da Xunta de Galiza que rexeitaba as construcións propostas.
|
|
Ler máis...
|
|
|
Luns, 18 de Xaneiro do 2010 |
|
 Os grupos comarcais de Amarante e Verdegaia en Compostela poñen en marcha o Ciclo de Cine "Coñecer para Cambiar" . Desenvolverase tódolos xoves do 21 de xaneiro ao 11 de marzo as 20:30hs no local social que comparten ambas organizacións na Avda. Romero Donallo, nº 17 en Santiago de Compostela. O xoves día 21 de xaneiro terá lugar a primeira sesión co documental "Grandes superficies" (María González, Pedro Ramiro, Pablo Buchó e Isidro Jiménez, 2006), producido por Ecologistas en Acción. Este documental aborda, a través dun caleidoscópio de imaxes, entrevistas e testemuños o papel da publicidade no sistema actual de sobreproducción e sobreconsumo.
|
|
Ler máis...
|
|
|
|
<< Inicio < Ant. 1 2 3 4 5 6 7 8 Seg. > Remate >>
|
| Resultados 1 - 9 de 65 |
Verdegaia - Compostela
