O vindeiro xoves, 11 de marzo, proxectarase a derradeira das películas do ciclo de cine que as dúas asociacións veñen organizando no local que comparten en Compostela. Nesta ocasión, a película escollida é “La Dignidad de los Nadies” (Pino Solanas, 2005), un documental onde queda recollida a reacción popular ao corralito arxentino: comedores populares, piquetes, recuperación de fábricas, traballo solidario en hospitais públicos... Desta volta contaremos cunha participación moi especial: Pablo Carro, compañeiro que conta cunha larga traxectoria de militancia en diferentes movementos sociais en Arxentina, conducirá un coloquio despois do filme, ofrecéndonos algunhas claves para achegarnos a actual situación das iniciativas e experiencias populares xurdidas no país austral nos últimos anos.
Verdegaia solicita a anulación do estudo de impacto ambiental publicado pola Demarcación de Costas de Galiza para as súas obras previstas nas Brañas de Laíño.
O proxecto promovido hai xa sete anos baixo o nome de “Parque linear nas ribeiras do río Ulla” carece de calquera fundamentación científica que xustifique a implantación de paseos de formigón, aparcadoiros no miolo da zona protexida, embarcadoiros, praias artificiais e asfaltado de pistas. A intervención, que rebautizada como “Actuacións ambientais...” fora sometida hai tres anos a un primeiro trámite de exposición pública, recebira xa unha forte oposición por parte de Verdegaia, da Sociedade Española de Ornitoloxía (SEO), a Sociedade Galega de Historia Natural (SGHN) e mesmo da Dirección Xeral de Conservación da Natureza da Xunta de Galiza que rexeitaba as construcións propostas.
Os grupos comarcais de Amarante e Verdegaia en Compostela poñen en marcha o Ciclo de Cine "Coñecer para Cambiar" . Desenvolverase tódolos xoves do 21 de xaneiro ao 11 de marzo as 20:30hs no local social que comparten ambas organizacións na Avda. Romero Donallo, nº 17 en Santiago de Compostela. O xoves día 21 de xaneiro terá lugar a primeira sesión co documental "Grandes superficies" (María González, Pedro Ramiro, Pablo Buchó e Isidro Jiménez, 2006), producido por Ecologistas en Acción. Este documental aborda, a través dun caleidoscópio de imaxes, entrevistas e testemuños o papel da publicidade no sistema actual de sobreproducción e sobreconsumo.
Como boa cidade
universitaria, Compostela móvese ao ritmo do calendario académico... Achéganse os
exames de febreiro e despois de varios meses de accidentada inxesta de
información, agora chega o momento de dixerir e regurxitar os coñecementos... Mais, xusto
agora, cando os días non teñen horas dabondo, mentres uns/unhas se agobian e
outros/as lembran mellores tempos, xurde a pregunta: para que estudamos?,
estudamos para conseguir un posto de traballo?, estudamos para realizarnos?,
estudamos porque era o que facía todo o mundo? E o que é peor,
que aprendemos?. Aprendemos a traballar? Aprendemos a colaborar ou a
competir? Aprendemos a respeitar os límites da natureza ou a ignoralos? Aprendemos
a conservar ou a destruír? O vindeiro
mércores 20 de xaneiro, ás 20:30 horas xuntarémonos no pub "Paraíso Perdido" a buscar a resposta a estas e outras preguntas
que, de seguro, xurdirán nesta "Tertulia
Ecoloxista" aberta a todos e todas as que lles apeteza compartir un momento de
conversa. Quedades convidados!
A Xunta de Galiza ven de se agregar a este espectáculo de feira
das vaidades orquestado polo Concello de Santiago apoiando como
“imprescindíbel” o proxecto do Teleférico ao Monte Gaiás.
Cando aínda non se sabe que facer coa Cidade da Cultura, queren
instalar un teleférico para unir a estación do AVE coa Cidade da
Cultura e o casco vello, cun desnivel de 50 m en apenas mil metros
que suman os dous tramos, para unha cidade que non chega a 100.000
habitantes. E queren comparalo co teleférico de Quito que ten un
desnivel de 1000 m nun percorrido de 2500 m nunha cidade de máis de 2
millóns de habitantes e 3 millóns máis no seu distrito
metropolitano.
Novas
Os grupos comarcais de Amarante e Verdegaia en Compostela poñen en marcha o Ciclo de Cine "Coñecer para Cambiar" . Desenvolverase tódolos xoves do 21 de xaneiro ao 11 de marzo as 20:30hs no local social que comparten ambas organizacións na Avda. Romero Donallo, nº 17 en Santiago de Compostela. O xoves día 21 de xaneiro terá lugar a primeira sesión co documental "Grandes superficies" (María González, Pedro Ramiro, Pablo Buchó e Isidro Jiménez, 2006), producido por Ecologistas en Acción. Este documental aborda, a través dun caleidoscópio de imaxes, entrevistas e testemuños o papel da publicidade no sistema actual de sobreproducción e sobreconsumo.
