Os días 4, 11, 18 e 25 de abril, celebraránse no Salón de Actos do Vicerreitorado da Universidade de Coruña, no campus de Esteiro, en Ferrol, as Xornadas sobre Agrocombustíbeis. As inscripcións son na Sede da SGHN: R/Mendez núñez, 11 e no correo-e Este enderezo de correo-e está protexido contra spam bots, necesitas ter o Javascript activado para podelo ver . As xornadas están organizadas por: A Xoaniña, Adega, SGHN e Verdegaia e patrocinadas polas consellerías de Medio Rural e Innovación e Industria. Ademáis, darán dereito a un crédito de libre configuración.

Verdegaia oponse rotundamente ao traslado da planta de Ence-Elnosa dende Pontevedra a As Pontes por tratarse dunha industria altamente contaminante que ademais xa foi condenada por delito ecolóxico. Considera ademais que este tipo de industrias xa non teñen cabida en Galicia dentro dunha política de desenvolvemento sostible, polo que a única vía posible é o seu peche definitivo.

Hoxe recibimos unha moi triste e inesperada noticia. Finou Carmelo Teixeiro, coordenador do Comité Cidadán de Emerxencia para a ría de Ferrol.

O Comité Cidadán de Emerxencia e demais asociacións integrantes queremos manifestar o noso máis fondo pesar polo falecemento de Carmelo Teixeiro Menéndez e amosar as nosas condolencias á familia e amigos.

As entidades ambientais Verdegaia-Ferrol, ADEGA-Trasancos e SGHN-Ferrol denunciamos diante da administración autonómica o xeito en que se desenvolveu a tramitación de outorgamento de licenza, polo Concello de Ferrol, a Infinitas Renovables S.A., empresa que pretende instalarse no Porto Exterior de Ferrol, para producir 300.000 Tm anuais de biodiésel, a base de produtos vexetais (aceite de palma africana procedente de Malasia, soia, etc).