Trala aprobación, esta semana, por parte do concello de Ferrol, dun convenio para a creación dun campo de golf en Santa Comba (Covas), Verdegaia manifesta o seu total rexeitamento a tal pretensión por implicar a ocupación e a degradación de dous espazos naturais protexidos integrados na Rede Natura 2000: o Lugar de Interese Comunitario “Costa Ártabra” e a Zona de Especial Protección para as Aves “Costa de Ferrolterra-Valdoviño”.

Este luns, 21 de maio, ás 12 do mediodía, Verdegaia, Comunidade de Menáncaro, SGHN e ADEGA presentarán nun acto público os recursos de reposición anunciados no seu día contra o acordo plenario do pasado 20 de abril. Pleno no que se aprobou o Plan de Sectorización de Menáncaro- Serantes a pesares dos tres informes negativos da Xunta de Galicia. Este proxecto o que busca é a construcción de 70 chaletes e un hotel, sen que importe a destrucción dunha das últimas fragas de Ferrol.

Ante a chegada dun buque gaseiro cargado de GNL, a súa entrada na Ría de Ferrol e atraque nas instalacións que está a construír Reganosa, o Comité Cidadán de Emerxencia convoca de urxencia a toda a cidadanía a unha nova concentración no peirao de Ferrol, o sábado 12 de maio ás 12.00 h.
Manifesto concentracion 12 maio 2007 galego.doc

Dende Verdegaia queremos comunicar a nosa adhesión ás mobilizacións que tanto o Comité Cidadán de Emerxencia como a Confraría de Pescadores de Ferrol están levando a cabo no Peirao de Curuxeiras e na bocana da Ría de Ferrol, dende o pasado domingo, para impedir a entrada do buque gaseiro “Galicia Spirit”. Manifestamos tamén o noso máis absoluto rexeitamento á instalación e posta en funcionamento da planta de gas de REGANOSA dentro da Ría de Ferrol, xa que entendemos supón unha ameaza para a seguridade e a vida das persoas que viven na Ría de Ferrol e no seu contorno, ademais de conlevar un impacto ambiental de consecuencias imprevisíbeis para a riqueza pesqueira e marisqueira polos recheos efectuados e os efluentes que se verterán á ría.