De sobra é coñecida a capacidade que teñen os eucaliptos para espallarse con facilidade naqueles lugares onde son introducidos e os efectos negativos que iso supón para a flora e fauna autóctonas. Se ademais son introducidos en zonas ambientalmente sensíbeis, a cousa píntase máis negra aínda se cabe. Pois isto é o que acontece no concello de Ferrol. Nas inmediacións do areal de Santa Comba, en Ferrol, fixéronse dúas plantacións de eucaliptos afectando parte dun bosque de ribeira e dunha duna descalcificada da clase CALLUNO-ULICETEA. Estas dúas parcelas están dentro da zona Z.E.P.A. Costa de Ferrolterra-Valdoviño e do L.I.C. Costa Ártabra.

Dende Verdegaia propoñemos un paseo guiado polas moitas fragas que conforman este espazo natural e pola memoria dunhas formas de vida que permitiron a súa supervivencia. A actividade celebrarase o próximo 29 de outubro de 2006, saíndo ás 9:30 hs da escalinata da Oficina de Correos de Ferrol. A volta está pensada para o mesmo día ás 18:00 hs e para os desprazamentos cóntase cun microbus gratuíto.

Unha das nosas preocupacións como asociación tamén radica na conservación do patrimonio cultural e patrimonial de Galiza, alén do traballo ecoloxista.

No concello de Narón existe un muíño de vento. Sí , de vento. Tan famosos en Castela e tan esquencidos aquí... Moito menos coñecidos cos de río, debido en parte a súa escaseza, e, nos que cuns axeitados coidados de restauración, recuperarían a beleza de outrora. Para o muíño de vento da parroquia de San Mateo de Trasancos en Narón aínda non é demasiado tarde.

Verdegaia (NC Ferrol) denuncia o verquido de importantes candidades de entullos no Humidal Protexido das Cabazas (Ferrol) ocasionando a degradación puntual do ecosistema. O sitio forma parte do Dominio Público Hidráulico e está calificado como Zona de Conservación e protección de Costas e Praias.