O vindeiro Domingo 15 de Febreiro celébrase en Ferrol un novo mercadillo de troco, o segundo organizado pola recén criada FerrolTroca (Rede de Troco de Ferrol), da que fai parte Verdegaia. O mercadillo é bimensal e celébrase na Praza Vella de 10:00 a 13:30 horas. Trocaranse: Libros, Menaxe de cociña, Artesanía, Audiovisuais, Xogos e xoguetes, Roupa e todas aquelas cousas que podan ser de interese para outras persoas.

Ante o verquido que tivo lugar o pasado 8 de Febreiro no Porto Exterior de Ferrol debido ás actividades nas instalacións da empresa Entaban Biocombustibles e que afectou á Ría, os colectivos Sociedade Galega de Historia Natural, Adega e Verdegaia cualifican como tomadura de pelo afirmar, tal e como fixeron os responsables da Autoridade Portuaria de Ferrol, que os 10.000 litros de aceites vexetais e glicerina vertidos non son contaminantes, xa que cada litro de aceite ten a capacidade de contaminar entre 1.000 e 1 millón de litros de auga, dependendo do tipo de aceite. Os colectivos asinantes esiximos que se expliquen as causas técnicas deste accidente e que o proxecto de instalación e explotación de Entaban se faga público. Reclamamos tamén que a Fiscalía de Medio Ambiente sexa contundente con este tipo de accións, sendo sancionada a empresa e paralizada a súa actividade de non estar garantida a seguridade ambiental.

Verdegaia pide que se desestime a autorización de vertido para a Estación Depuradora de Augas Residuais E.D.A.R. en Ponte Baixoi (Miño). Considera a depuradora unha ameaza para a riqueza biolóxica da Marisma de Baixoi, incluídos os bancos marisqueiros existentes na zona, dado que os efluentes verteríanse neste humidal a través do principal río tributario. Reitera a necesidade de trasladar a depuradora a outro lugar máis axeitado.

Sábado 31, ás 17:30 horas na Praza do Concello de Neda.

O proxecto de enlace entre a AP9 (Neda) e a autoestrada Ferrol-Vilalba (AG-64) carece de sentido, xa que o concello de Neda, coas infraestruturas que existen na actualidade, está perfectamente conectado coa autoestrada AG-64 (Ferrol-Vilalba) por medio de cando menos estas tres opcións:

• Usando a AP9 dirección Ferrol e desviándose cara ao Polígono do Río do Pozo.
• A estrada AC-641 e a súa continuación na estrada AC-642.
• A través do enlace entre Vilar do Colo e a estrada Cabanas - As Pontes.