Verdegaia, Amarante, Caleidoskopio, CS A Formiga, CXT, GAS e a Oficina de Dereitos Sociais Coia organizan as Xornadas contra a Banca en Vigo que se desenvolverán durante os sábados do mes de novembro. Este sábado 7 ás 11:30 h desenvolverase un acto contra a banca no cruce de Colón coa rúa Príncipe, no que se ubicará unha mesa e paneis informativos, distribuirase información á cidadanía e realizarase unha "performance". As Xornadas complétanse con charlas e mesas redondas a celebrar nos restantes sábados deste mes.
Á Coalición Clima , unha alianza
estatal de organizacións sociais que demanda solucións xustas á crise
climática, gustaríalle que fose a opción 2 (le aquí a noticia completa para
coñeceres a opción 1 e a opción 2). E ti,que lle pides a Zapatero para a
reunión preparatoria do Cumio Climático de Copenhague que ten lugar en
Barcelona do2 ao 6 de novembro?
Carlos
Taibo, profesor da Universidade Autónoma de Madrid e autor dunha veintena de libros sobre o capitalismo, a economía e o
decrecemento, falará sobre o decrecemento o vindeiro xoves, 5 de novembro ás 20:00 no hotel Virxe da Cerca, nun acto organizado por Verdegaia-Compostela.
Verdegaia vén de asinar o manifesto "Polo pagamento da débeda climática. Un resultado xusto e efectivo de Copenhague", promovido por Third World Network (TWN). Os países desenvolvidos debemos recoñecer a nosa responsabilidade actual e histórica na crise climática global e asumir a débeda climática que temos cos países empobrecidos.
O concello de Ribadeo é o primeiro de Galicia en aprobar en
Pleno a moción sobre Compra Pública Responsable presentada por Amarante
e Verdegaia en case medio centenar de concellos dentro da campaña conxunta a prol da compra pública responsable . Agardamos que a aprobación desta iniciativa abra o camiño no compromiso das
administracións locais co Consumo Responsable e o medio ambiente.
O grupos comarcais de Amarante e Verdegaia de Pontevedra imos poñer en marcha un MERCADIÑO DE TROCO. A iniciativa xurde da colaboración das dúas organizacións no campo do
Consumo Responsable e seguindo exemplos de outras vilas galegas, coma é
o caso de Vigo, onde diversos colectivos realizan unha vez ao mes esta
iniciativa.
Malia a chuvia e o vento, hoxe pola mañá tivo lugar na Praza do Obradoiro de Compostela unha acción convocada pola asociación ecoloxista Verdegaia como parte do día internacional de acción climática coordenado pola campaña 350.org. As e os participantes construíron sobre o chan da praza un grande 350e tamén exhibiron un 350 detrás dunha pancarta co lema "Freemos o cambio climático".
O grupos comarcais de 
