Verdegaia denuncia de novo o abuso de aproveitamentos hidroeléctricos nas concas galegas xa sobreexplotadas. Desta vez tocoulle ó río Edo, afluente do Sil que baña o concello de Castro Caldelas, onde se autorizou un novo aproveitamento hidroeléctrico dentro deste concello. 

Verdegaia e o Cine Clube Padre Feijoo presentan o vindeiro mércores día 12 de Marzo ás 20:30 horas no Salón de Actos da Biblioteca Pública (Rúa do Concello 11) “Unha lousa sobre o Courel", coa presenza de Mabel Ribera e Henrique Banet. "Unha lousa sobre o Courel" é un traballo documental que recolle a problemática xurdida en torno ás canteiras de lousa que ameazan con destruír un dos lugares máis emblemáticos de Galicia, para convertelo nunha zona mineira de explotación duns recursos esgotables a curto ou medio prazo. A cambio, estánse a hipotecar outras posibilidades de futuro sustentable para esa comarca, como sería  a creación dun Parque Natural que protexese e puxese en valor a zona con maior biodiversidade de Galicia.

Do 17 ó 28 de marzo pódese visitar gratuitamente a exposición "Freemos o cambio climático" no local de Verdegaia (Avenida da Habana, 64) en Ourense, en horario de 10:30 a 14:00 e de 17:00 a 20:00 h. de luns a venres, e os sábados de 10:30 a 14:00. 

Verdegaia vén de denunciar ante a Confederación Hidrográfica do Norte e perante o Concello do Porriño que o pasado día 1 de marzo de 2008 se realizou un verquido de sustancias químicas a un afluínte do río Louro no termo municipal do Porriño (Pontevedra), nas coordenadas Lat.: 42° 7' 8.45' N, Lonx.: 8° 37' 37.59', X: 530822.91, Y: 4663150.15, que deixou o citado curso de auga de cor azul clara e sen aparente rastro de vida acuática. 

Verdegaia vén de propor á Dirección Xeral de Conservación da Natureza a ampliación da Zona de Especial Protección das Aves (ZEPA) “A Limia” tal e como quedara na última xuntanza do grupo de traballo creado entre grupos ecoloxistas, sindicatos agrarios e a Consellería de Medio Ambiente para chegar a unha solución consensuada para esta ZEPA.

Altermundo, Amarante, Caleidoskopio, Fuga em Rede, GAS e Verdegaia denunciaron cun acto o 6 de marzo en Vigo a política exterior do Goberno Central, permisivo coas violacións de Dereitos Humanos do Goberno colombiano.