Máis de corenta organizacións da sociedade civil en Uruguai e o Estado español entre as que está Verdegaia, protestan ante o Goberno español polo financiamiento con fondos públicos e mediante entidades financeiras españolas dunha planta de celulosa de ENCE en Uruguai, ao tratarse dun proxecto que implica graves impactos sociais e ambientais. 

Verdegaia vén de solicitar á Dirección Xeral de Conservación da Natureza da Consellería de Medio Ambiente e Desenvolvemento Sostible a inclusión da Serra da Groba na Rede Natura 2000 co apoio doutros once colectivos: ADEGA, ASCEL, Ecologistas en Acción, Federación Ecoloxista Galega, Fusquenlla, Greenpeace España, Grupo de anelamento Anduriña, Matar por Matar Non, Salvemos Monteferro, SOS-A Groba e Syme.

As organizacións SLG (Sindicato Labrego Galego), VSF (Veterinarios Sen Fronteiras), Verdegaia e Amarante apresentaron hoxe en conferencia de prensa a alianza que veñen de forxar seguindo o mandado do Foro Mundial para a Soberanía Alimentar (Foro de Nyéléni 2007). A Iniciativa pola Soberanía Alimentar dos Pobos nasce co obxecto de “dar a coñecer, construír e defender a Soberanía Alimentar dos pobos, en e desde Galiza”. 

Ecologistas en Acción considera que as Comunidades Autónomas quixeron facer tan fácil e asequible o Exame do Cazador, que este converteuse nun mero trámite fraudulento. En particular, acha que a regulación deste exame en Galicia é un engano. A falta de formación dos cazadores, alén de xerar importantes impactos ambientais e sociais, favorece resultados dramáticos, xa que 2007 acabou con 20 persoas mortas en España por disparos.

A Plataforma Galega AntiTransxénicos, da que Verdegaia fai parte, inicia unha campaña informativa na procura da declaración de Galiza como Zona Libre de Transxénicos, así como dunha lexislación para etiquetaxe de produtos moito máis estrita que permita coñecer os ingredientes reais que os compoñen, facilitando a elección consciente e responsábel de cada un de nós.