O informe “Salvando Obstáculos: pasos para mellorar os salarios e condicións de traballo na industria mundial de artigos deportivos”, que elaborou a Campaña Xoga Limpo 2008, baseado en entrevistas a mais de 300 traballadores e traballadoras da industria de artigos deportivos en China, India, Tailandia e Indonesia, mostra que as violacións de dereitos dos traballadores/as segue sendo a regra no sector, no que os beneficios de marcas como Adidas, patrocinador oficial dos Xogos Olímpicos de Pekín e Londres, non paran de medrar. 

Verdegaia quere manifestar o seu rexeitamento ás obras de construción dun paseo fluvial nas marxes do Rio Sor, denominado “Rota de Sendeirismo Riveira do Vispo – Ambosores”, promovido polo Concello de Mañón e co beneplácito da Xunta de Galicia. Tras visitar a zona afectada, constatamos a apertura dun camiño con maquinaria na beira do rio, de 800 m de lonxitude, efectuándose diversos desmontes e esplanacións do terreo a través do bosque de ribeira, talándose algunhas árbores e afectando incluso ao patrimonio etnográfico da zona. 

Verdegaia solicitou ás Consellerías de Medio Ambiente e de Industria que non permitan a construción do parque eólico Pena Redonda, por se situar na Serra do Eixe,  que forma parte do macizo de Pena Trevinca. A construción dun parque eólico nunha zona que debería formar parte do futuro Parque Natural de Pena Trevinca, no sureste da provincia de Ourense, é ambientalmente inaceptable. Esta ameaza para a conservación dunha das principais áreas de montaña da Península pon de manifesto tanto a debilidade da política autonómica de conservación da natureza como as carencias ambientais da política eólica.

O sábado 10 de maio Verdegaia celebrará un novo mercadiño de troco, desta volta na asociación de veciños Ponte Canedo, no barrio da Ponte. 

Hoxe compareceron no Concello de Ourense todas as partes implicadas nun novo vertido perigosísimo no río Miño do que aínda falta por aclarar case todo, para non variar. ADIF unha vez máis é un foco de contaminación para un río que non somente por esa categoría debe ir en condicións impolutas, senón que porque dá abastecemento a máis dunha cidade enteira. 

O mércores 7 de maio proxectarase ás 20:30 h. no local de Verdegaia e Amarante (Avenida da Habana, 64) o filme "Memoria del saqueo".