Verdegaia denuncia que as centrais térmicas de carbón das Pontes e de Meirama emitiron en 2007 tanto dióxido de carbono (CO₂) como 660.156 familias españolas con hábitos enerxéticos insustentables. En 2008, a ONU dedica o Día do Ambiente (5 de xuño), a chamar a atención sobre a necesidade dunha economía baixa en carbono. En Galicia, iso pasa hoxe sobre todo por reducir drasticamente a produción eléctrica con carbón. Porén, a Xunta segue sen facer nada neste senso.

A dirixente labrega Gilda Roa, coa colaboración da Iniciativa pola Soberanía Alimentar dos Pobos (alianza integrada por Amarante, Sindicato Labrego Galego, Verdegaia e Veterinarios Sen Fronteiras), estará en Galiza do 4 ao 6 de Xuño informando sobre os impactos ambientais e sociais dos monocultivos de soia transxénica no Paraguai, que teñen como destino a exportación para a elaboración de agrocombustíbeis e pensos para gandaría industrial. Gilda Roa estará acompañada pola investigadora Nina Holland e a antropóloga An Maeyens. 

O mércores 4 de xuño ás 20:30 h. proxectarase o derradeiro filme do cine-fórum de Verdegaia e Amarante en Ourense. Coma sempre, a proxección terá lugar no local de Verdegaia e Amarante e a entrada é gratuíta. Desta vez toca falar de canteiras co filme "As Encrobas. A ceo aberto" de Xosé Bocixa. 

Sábado 31 de Maio celebrouse a asemblea constituínte do Núcleo Comarcal de Verdegaia na Coruña. Con este, son cinco os Núcleos Comarcais de Verdegaia, aos que hai que engadir, ademais, a designación ―na Comisión Coordenadora Xeral de 24 de Maio― dunha representante local en Ribeira. 

Verdegaia vén de solicitar á Dirección Xeral de Conservación da Natureza da Consellaría de Medio Ambiente e Desenvolvemento Sostíbel a protección da Cova do Eixe, situada no municipio lucense de Seoane do Courel, en plena Serra do Courel. 

A asociación ecoloxista Verdegaia vén de denunciar ante a Delegación provincial de Pontevedra da Consellaría de Medio Ambiente e Desenvolvemento Sostible o verquido ilegal de perto de cen camións cargados con entullo -que provén das obras que se están a realizar para a construcción da vía do AVE- no Monte da Caritaina, lugar do Rañadoiro, na parroquia pontevedresa de Pontesampaio.