Verdegaia vén de solicitar mediante a presentación dun escrito dirixido á Concellaría de Turismo de Vigo o cambio da sinalización turística colocada en diferentes rúas da cidade de Vigo referente á praia de Rodas, situada no Parque Nacional das Illas Atlánticas de Galicia, de xeito que se cambie a sinalización actual por outra que faga referencia ao Parque Nacional das Illas Atlánticas de Galicia como un espazo natural protexido que alberga unha grande biodiversidade. 

O acto terá lugar o martes, 24 de xuño ás 20:30 no Centro Social A Cova dos Ratos (Rúa Romil, 3 baixo), e entregarase material informativo e o programa das actividades alternativas ao Congreso Mundial do Petróleo en Madrid. 

Amarante e Verdegaia levarán conxuntamente adiante unha acción cívico-lúdica aberta á cidadanía, organizando as Olimpiadas Limpas alternativas á que está por comezar en Pequín en menos de dous meses (bolos, trileiros, obradoiros de confeción de balóns, carreiras solidarias...), xogos cargados de simbolismo e denuncia a través dos cales queremos evidenciar a carencia de dereitos sindicais en moitos países onde están a se instalar filiais de fábricas pertencentes ás multinacionais do deporte amparadas por unhas leis laborais totalmente flexibles que non protexen ás traballadoras e traballadores do país. 

Verdegaia deixou de apoiar o sistema de certificación forestal sustentable  FSC (Forest Stewardship Council)  ao constatar que non garante en todos os casos unha xestión dos montes certificados autenticamente sustentable. Aínda que hai moitos exemplos en todo o mundo de bosques certificados baixo FSC cunha xestión ambientalmente responsable e socialmente xusta, tamén é verdade que o sistema funciona de forma deficiente, o que fai posible en ocasións que montes cunha xestión non sustentable sexan certificados, como aconteceu cos de NORFOR (Grupo ENCE) en Galicia. 

Coñece en tren e a pé un dos espazos húmidos intermareais máis extensos, descoñecidos e de maior valor ambiental de Galiza. É o habitat de máis de 60 especies de aves entre as que está a escribenta das canaveiras, unha reliquia destas brañas que está en perigo de extinción, ou a folosa acuática, tamén ameazada. A foz do río Ulla é tamén o escenario de antigas e modernas referencias literarias, misteriosas lendas e o sustento de ancestrais actividades humanas que se coñecerán neste roteiro.