Este ano a convocatoria da Semana da Mobilidade Europea reviste unha particular importancia, xa que o tema central é “Aire limpo para todos”. E é que, para mellorar a calidade de vida nas nosas cidades, é necesario ser conscientes dos graves problemas de saúde que ocasiona o uso excesivo do coche nas cidades. O propio Ministerio de Medio Ambiente e Medio Rural e Mariño avalía en 16.000 persoas en todo o Estado español que falecen prematuramente cada ano por mor da mala calidade do aire.
179 organizacións (entre elas Verdegaia) e 70 persoeiros de 28 países veñen de facer público o seu apoio ao pobo e goberno de Bolivia no difícil momento que están a vivir na defensa e consolidación do proceso de cambio naquel país. O apoio foi recollido nunha carta entregada 18 de Setembro ao goberno boliviano.
Ante a publicación no DOG de 17 de setembro, do anuncio da aprobación inicial das Directrices de Ordenación do Territorio de Galicia, Verdegaia denuncia o incumprimento dos trámites administrativos establecidos pola Lei 9/2006 de Avaliación Ambiental Estratéxica por parte da Consellaría de Política Territorial, Obras Puúblicas e Transportes.
O venres 19, ás 19:30, terá lugar en Pontedeume unha charla organizada por Verdegaia e o colectivo Fusquenlla sobre a problemática do lago das Pontes e o río Eume. Intervirán Xosé Ramón Vidal Romaní, director do Instituto Universitario de Xeoloxía da UDC; Mónica Arto, secretaria do núcleo comarcal de Verdegaia, e Concha Ferreiros, química e membro de Adega. O acto terá lugar no IES Breamo (R/Ricardo Sánchez, a rúa que leva cara ao río, collendo á dereita ao chegar á gasolineira antes da ponte).
Verdegaia insiste en que se paralicen as obras da concentración parcelaria nos espazos da Rede Natura por carecer da preceptiva Avaliación de Impacto Ambiental. Os feitos xa foron denunciados ante o Servizo de Proteción da Natureza (Seprona) da Garda Civil.
A próxima fin de semana (20 e 21 de setembro) Verdegaia estará cun posto no Reperkusión de Allariz, no que aproveitaremos para darnos a coñecer con información (Fiando Verde, folletos, etc.) e teremos para vender os produtos que fixo Verdegaia Ourense con material reutilizado (esencialmente cartón).
O horario do posto é de 12 da mañá a 10 da noite o sábado 20 e o domingo 21 de setembro.
O Goberno estatal vai aprobar unha nova regulación para a enerxía solar fotovoltaica que, segundo o anunciado, pode representar un grave golpe a un sector cuxo desenvolvemento en Galicia é aínda moi incipiente. A nova regulación sería un insólito recúo na loita contra as alteracións climáticas.
Este ano a convocatoria da Semana da Mobilidade Europea reviste unha particular importancia, xa que o tema central é “Aire limpo para todos”. E é que, para mellorar a calidade de vida nas nosas cidades, é necesario ser conscientes dos graves problemas de saúde que ocasiona o uso excesivo do coche nas cidades. O propio Ministerio de Medio Ambiente e Medio Rural e Mariño avalía en 16.000 persoas en todo o Estado español que falecen prematuramente cada ano por mor da mala calidade do aire.
Verdegaia insiste en que se paralicen as obras da concentración parcelaria nos espazos da Rede Natura por carecer da preceptiva Avaliación de Impacto Ambiental. Os feitos xa foron denunciados ante o Servizo de Proteción da Natureza (Seprona) da Garda Civil.
A próxima fin de semana (20 e 21 de setembro) Verdegaia estará cun posto no Reperkusión de Allariz, no que aproveitaremos para darnos a coñecer con información (Fiando Verde, folletos, etc.) e teremos para vender os produtos que fixo Verdegaia Ourense con material reutilizado (esencialmente cartón).
