O pasado xoves 19 de novembro, o núcleo comarcal de Verdegaia en Pontevedra organizou unha tertulia sobre dereitos dos animais e convidou aos membros do colectivo "Os Palleiros ", actuais xestores desinteresados da canceira de Pontevedra. Unhas 20 persoas participaron nun diálogo que durou case dúas horas.

Ante a constante avalancha de noticias sobre ataques de lobo ao gando e a afección que estes feitos supoñen para a economía gandeira en Galicia, a Asociación para a Conservación e Estudo do Lobo (ASCEL) e Verdegaia queren realizar as súas achegas baseadas en datos reais e obxectivos, afastados do alarmismo e da polémica.

O pasado domingo, o NC de Vigo, voltou organizar un roteiro dentro do programa "Vai de roteiros" de Verdegaia. Nesta ocasión oito persoas visitaron o LIC das Gándaras de Budiño e Ribeiras do Louro, descubrindo os seus valores naturais, a súa historia e as desfeitas ambientais que se suceden por todo o LIC. Unha esperiencia inesquecíbel.

As especies exóticas invasoras son a segunda causa de perda de biodiversidade no planeta. A súa aparición nos nosos ecosistemas moitas veces pasa desapercibida para a maior parte da poboación, pese a supoñer un gravísimo problema medio-ambiental. Na tertulia deste mes falaremos un pouco delas, coñeceremos ás máis perigosas e abondosas e veremos algunha experiencia que se está a levar a cabo no noso país para o seu control. Non faltedes!

Lembra que a tertulia das especies invasoras é este martes, no local da Escola Popular Galega Vigo (Rua Real 12), ás 20:30.