Este xoves, 28 de xaneiro, ás 20:30 h., terá lugar unha charla sobre os organismos xeneticamente modificados. Participarán Charo Sánchez, do Sindicato Labrego Galego, e María Xosé Ogando, activista de Verdegaia e da Plataforma Galega Antitransxénicos.

Animámote a vir polo local da Gentalha do Pichel en Compostela.

Aquí tes o cartaz: transgenicos

Sentimos informar a todas as persoas interesadas que o roteiro Nctua previsto para o xoves día 22 de xaneiro queda aprazado por mor do mal tempo ao xoves día 5 de febreiro. Citarémonos ás 19h diante do pavillón de deportes de Pontevedra e ás 19h30 diante da Escola Naval de Marín. As características do percorrido non se verán afectadas:

O concello de Boiro aprobou o pasado 14 de xaneiro a Moción sobre Compra Pública Responsable presentada por Amarante e Verdegaia dentro da campaña conxunta a prol da compra pública responsable que desenvolven ámbalas dúas organizacións nos principais concellos de Galiza. Con esta acción, o Concello de Boiro comprométese a seguir criterios éticos, sociais e ambientais na súa política de contratación de bens e servizos.

Desde hai tempo vimos asistindo a una avalancha de queixas dos tecores lucenses que lle imputan ao lobo un hipotético descenso dos corzos debido a un suposto aumento da especie na provincia, sen achegar datos da variación de ambas poboacións. En primeiro lugar, debemos sinalar que ante a presenza dun depredador como o lobo, as presas modifican a súa conduta: adoptan unha maior actividade crepuscular e nocturna, seleccionan áreas de maior cobertura e pasan máis tempo vixiando. Por todo isto, diminúe notablemente a súa detectabilidade e faise máis dificil a súa observación. Ante o descoñecemento destes feitos, era esperable que o máis sinxelo (e absurdo) fora denunciar unha diminución falsa da poboación de corzos.

Os grupos comarcais de Amarante e Verdegaia en Compostela poñen en marcha o Ciclo de Cine "Coñecer para Cambiar" . Desenvolverase tódolos xoves do 21 de xaneiro ao 11 de marzo as 20:30hs no local social que comparten ambas organizacións na Avda. Romero Donallo, nº 17 en Santiago de Compostela. O xoves día 21 de xaneiro terá lugar a primeira sesión co documental "Grandes superficies" (María González, Pedro Ramiro, Pablo Buchó e Isidro Jiménez, 2006), producido por Ecologistas en Acción. Este documental aborda, a través dun caleidoscópio de imaxes, entrevistas e testemuños o papel da publicidade no sistema actual de sobreproducción e sobreconsumo.

Decenas de casos de envelenamento nos nosos montes ocupan cada ano as páxinas da prensa na comunidade galega e créanlle malestar aos lectores, pero desgraciadamente non se adoita chegar ao trasfondo da cuestión. Debemos realizarnos dúas preguntas claves: ¿Con que produtos se envelena a fauna? ¿Onde se pode obter ditos produtos?