Verdegaia vén de presentar alegacións á contrución da autovía A-8 no tramo Abadín-Castromaior, no concello de Abadín. Máis concretamente, un viaduto con 6 vans sobre o río. A construción deste viaduto suporía unha gravísima agresión ó medio que ademais non se informa axeitadamente (non se sabe cantas árbores hai nas beiras do río, soamente se sabe que é unha vexetación espesa nin se sabe que especies se talarían).

Verdegaia solicita publicamente mediante a apresentación dun escrito dirixido ás Concellalías de Vías e Obras, Medio Ambiente e Parques, Montes e Xardíns que non se realicen máis talas de árbores nas obras de humanización que se están a levar a cabo en diferentes rúas de Vigo xa que a parte de acabar coa vida desas árbores estase a restar un valor engadido a cada unha das rúas a humanizar en cuestión.

Xa vos anunciabamos hai tempo que había Guías de consumo responsábel á venda na Cova da Terra (http://www.verdegaia.org/content/view/889/1/).

Agora tamén podedes atopalas na tenda Vacaloura, onde tamén venden camisolas con mensaxes moi divertidas e outras cousas interesantes (Campo Castelo, 25) e no centro social Madia Leva, onde podedes ler publicacións interesantes, tomarlle algo, asistir a charlas... (Amor Meilán).

O vindeiro sábado, 29 de agosto, ás 12, terá lugar unha concentración na praza do concello de Ribeira, en contra do actual proxecto de macrodepuradora en Couso (Aguiño).

Ao igual que a Federación Ecoloxista Galega (FEG), da que fai parte, Verdegaia recibe de entrada como unha boa nova a suspensión do último concurso eólico, resolto pola anterior Xunta sen garantías ambientais e que iría agravar a deterioración do noso territorio. Mais, para asegurar que unha nova repartición eólica non implique tamén danos inaceptables ao patrimonio natural, cómpre aprobar antes un Plano Eólico que sexa obxecto dunha avaliación ambiental estratéxica rigorosa e estabeleza suficientes zonas de exclusión, así como ampliar a Rede Natura 2000, que hoxe só representa o 11,7% do territorio, a porcentaxe máis baixa de todas as Comunidades Autónomas.