Demarcación de Costas promoveu a rehabilitación da Ponte Metálica do Barqueiro. As obras desta rehabilitación están xa moi adiantadas e se ben valoramos moi positivamente a recuperación da Ponte Metálica do Barqueiro, dado o seu valor histórico e arquitectónico, certas intervencións non son, ao noso entender, as máis axeitadas e están a ocasionar o deturpamento do deseño orixinal desta ponte do século XIX.

Verdegaia compareceu no 31 de outubro perante a Comisión non permanente do Parlamento Galego para o estudo sobre as causas e consecuencias dos incendios forestais en Galicia, dentro da rolda de comparecencias de organizacións sociais, axentes económicos, alcaldes, etc, organizada por esta comisión.

Verdegaia propón que a loita contra os incendios forestais descanse sobre catro eixos: o estudo profundo das causas e a persecución intensa dos incendiarios; a aposta forte pola prevención; a mellora da extinción e unha nova política de montes sustentable. Galicia é, xunto co norte de Portugal, a zona da UE onde máis incendios teñen lugar en comparación coa superficie forestal, cunha media de 50 lumes por cada 10.000 hectáreas de superficie forestal entre 1991 e 2004.

A RALLT (Rede por unha América Latina Libre de Transxénicos) e Acción Ecológica de Ecuador, co apoio da ONGD holandesa Hivos, ven de publicar o libro de Elizabeth Bravo “Biocombustibles, Cultivos Energéticos y Soberanía Alimentaria en América Latina. Encendiendo el Debate sobre los Biocombustibles”.