|
Venres, 10 de Novembro do 2006 |
 O día 12 de novembro cómprense catro anos da que podemos considerar maior catástrofe ecolóxica da historia galega e unha das maiores de Europa favorecida por un cúmulo de decisións técnicas erradas, actuacións cando menos escuras e incompetencias flagrantes. Máis a xestación desta catástrofe, e de tantas outras que acontecen no mar e na terra en todo o planeta, comezou moito antes de que o buque Prestige ou o seu fuel chegara as nosas costas. Comezou en cada un de nos como membros e partícipes necesarios da sociedade na que vivimos: todos e todas temos unha parte de culpa e, por tanto, somos indirectamente responsábeis da catástrofe do Prestige.
|
|
Ler máis...
|
Verdegaia lanza unha campaña en defensa da Rede Natura 2000 en Galicia que incluirá diversas accións de sensibilización e a elaboración dun informe sobre o seu estado de conservación, usando como exemplos algúns espazos. Verdegaia reclama que os espazos da Rede Natura 2000 sexan un referente de sustentabilidade e denuncia o incumprimento da promesa da Xunta de presentar un Plano Xeral de Conservación da Rede Natura 2000.
Ecologista é unha revista trimestral editada pola confederación ecoloxista estatal Ecologistas en Acción que xa vai polo número 49. É un medio de referencia para todas as persoas que no Estado español defenden un modelo de ecoloxismo como o que reflite o ideario de Verdegaia. O número correspondente ao outono inclúe un artigo sobre os incendios en Galicia. Ecologista está á venda nalgúns quioscos.
