Redes de organizacións latinoamericanas veñen de enviar unha carta aberta ao Parlamento europeu, á Comisión Europea e aos gobernos e cidadanía da UE expondo a súa preocupación polas políticas que probabelmente serán adoptadas para favorecer o uso e importación de biocombustíbeis como alternativa aos combustíbeis fóseis.

Com a palavra de ordem "A ria nom se vende" os colectivos A.C. A Revolta, A.C. Caleidoskiopio, Bouzas-móvete, Foro Social de Cangas, GAS, Luita Verde, OAR Redondela, Salvemos Monteferro, Voces polo litoral de Teis e Verdegaia organizarom o passado dia 5  na Praça da estaçom de Vigo um singelo acto reivindicativo e divulgativo ao tempo, sobre a crítica situaçom na que se acha a ria de Vigo. Leu-se um manifesto e o texto "15 pontos negros na ria de Vigo" que disponibilizamos para a sua leitura.

Manifesto 15 puntos negros ria de Vigo

O segundo informe anual elaborado polo Observatorio da Sustentabilidade en España (OSE), “Sostenibilidad en España 2006”, que inclúe información baseada en indicadores e desagregada por comunidades autónomas, ofrece o retrato dunha Galicia cada vez máis insustentable desde o punto de vista ecolóxico, mais alá mesmo do que poden indicar certas catástrofes como as sufridas no ano pasado. A nosa terra usa recursos naturais en exceso e con baixa eficiencia, fai unha contribución relativa moi importante ao cambio climático e continúa a degradar o territorio e a perder biodiversidade.