Segundo os datos facilitados a Verdegaia polo Ministerio de Medio Ambiente, o 83% das emisións galegas de gases causantes do cambio climático rexistradas en 2004 –último ano para o que hai datos oficiais dispoñibles, que se divulgan aquí por primeira vez- foron debidas á produción, transformación e consumo de enerxía. As centrais térmicas representaron nada menos que o 42% da contribución galega ao  cambio climático.

O control de recursos naturais é fonte de conflitos en todo o mundo, algúns deles armados. Segundo o informe Alerta! 2006 da Escola de Cultura de Pau, a fin de 2005 había no mundo 21 guerras.

O L.I.C. Costa Ártabra repártese polos concellos costeiros de Ares, Mugardos, Ferrol, Narón, Valdoviño, Cedeira, Cariño e Ortigueira. Trátase dun tramo de costa moi variado en canto a ecosistemas se refire, albergando areais, cantís, humidais, pequenas illas e mesmo serras, e que conforman un espazo único integrado dentro da Rede Natura 2000. O tramo de costa que imos percorrer correspóndese coas zonas costeiras de Sta. Comba, Sartaña e Ponzos, na parroquia ferrolá de Covas. Ademais dos seus valores ambientais e patrimoniais, queremos salientar as múltiples agresións que ameazan a conservación deste espazo protexido como é o proxecto de parque acuícola ideado para Ponzos.

A agroquímica suíza Syngenta é o primero produtor mundial de paraquat, un herbicida altamente tóxico que comercializa co nome Gramoxone e co que anualmente gaña centos de millóns de dólares. En Suíza o seu uso está prohibido, non así en muitos países “en desenvolvimento” onde envelena a decenas de millares de persoas. Non existe antídoto.