A empresa Rico ten unha escombreira-basureiro en Santa Cruz de Salto de grandes dimensións situada nunha ladeira xustamente na cabeceira dun río. As escorrentías do basureiro acaban neste río antes de confluír noutro que termina no encoro dos Molinos. Este encoro, abastece de auga a unha parte dos veciños de Cabanas.

Xa pasaron máis de 15 días e os veciños de Mehá continúan pechados na Casa do Concello de Mugardos en sinal de protesta contra a ubicación da Planta de Gas e a súa posta en funcionamento aínda a costa do enorme risco que esto supón para a poboación. Alén disto, este peche pretende chamar a atención dos cidadáns e administracións competentes dependentes do Ministerio de Industria para que non sexa aprobada a acta de explotación comercial  que Reganosa ten a obriga de solicitar. Numerosos colectivos ( culturais, deportivos, ecoloxistas....), artistas, xente anónima, representantes de algún partido politico, etc.....están manifestando a súa solidariedade  e apoio á veciñanza alí congregada. Ti tamén podes sumarte.

A xuízo de varias organizacións ecoloxistas, entre elas Verdegaia, FEG e Ecologistas en Acción, a memoria sobre os incendios forestais do ano 2006 presentada pola Fiscalía de Galicia confirma as posicións defendidas por elas e desacredita as especulacións sen fundamento manexadas sobre as causas dos incendios, constituíndo unha chamada de atención sobre a importancia dos incendios debidos ao uso tradicional do lume no medio rural.