Nas últimas semanas vimos asistindo a diversas de declaracións do Alcalde Bugallo e do novo concelleiro de Tráfico Carlos Nieves definindo á bicicleta como "estratéxica" no futuro da mobilidade en Compostela, anunciando un servizo de préstamo de bicis ou animando aos alumnos dos institutos a empregar a bicicleta. Verdegaia acolle con satisfacción esta suposta nova liña de traballo do Concello mais entende que adoece dunha planificación axeitada e participativa, o que ofrece moitas dúbidas sobre o seu alcance. 

Verdegaia denuncia a inxustificada demora, de máis de catro anos, que está a sufrir a aprobación do Plano Reitor de Usos e Xestión (PRUX) do Parque Nacional das Illas Atlánticas de Galicia. O PRUX do Parque Nacional debería terse rematado, segundo marca a lei, o 2 de xullo de 2003, é dicir, un ano despois da declaración oficial de creación do Parque Nacional. Non obstante, catro anos despois aínda non se conta nin sequera cun borrador de traballo do documento, a pesares das continuas declaracións dos responsábeis do Parque no sentido de que xa se está a redactar. 

A masa crítica (bicicletada), será o venres 23 de novembro ás 18.30 da tarde. A saída realizarase en Porta Nova (Ferrol) e despois de dar unha volta pola cidade haberá unha conferrencia a cargo dos membros da Masa Crítica da Coruña, ás 20.00h no Espazo Libertario (Avda. de Esteiro, nº 10, baixo).