Hoxe compareceron no Concello de Ourense todas as partes implicadas nun novo vertido perigosísimo no río Miño do que aínda falta por aclarar case todo, para non variar. ADIF unha vez máis é un foco de contaminación para un río que non somente por esa categoría debe ir en condicións impolutas, senón que porque dá abastecemento a máis dunha cidade enteira. 

O mércores 7 de maio proxectarase ás 20:30 h. no local de Verdegaia e Amarante (Avenida da Habana, 64) o filme "Memoria del saqueo". 

Segundo a Xunta, as emisións de dióxido de carbono (CO₂) das centrais térmicas galegas aumentaron en 907.614 toneladas en 2007 a respecto de 2006.  Este incremento non se debe só, como manifestou o director xeral de Desenvolvemento Sostible, á baixa produción hidroeléctrica e ao esgotamento da mina de lignito  de Meirama, senón tamén ao reparto dos permisos de emisión de CO₂ efectuada polo Goberno central, que non desincentiva suficientemente a produción eléctrica con carbón, malia ser a máis ineficiente e contaminante. 

O colectivo “VAL, Amigos do Medioambiente” do Porriño e a asociación ecoloxista Verdegaia, realizarán unha concentración o día 26 de Abril a partir das 12.00 na Praza do Concello do Porriño, denunciando publicamente o actual estado de abandono das instalacións da depuradora da bacía do Río Louro e a deixazón por parte da administración autonómica e local do val da Louriña. A depuradora foi inaugurada no ano 2006 e tivo un custo de case 100 millóns de euros. VAL e Verdegaia esiximos a posta en funcionamento de ditas instalacións.