Praza da Constitución - 12:00 h.

Amarante e Verdegaia organizan unha actividade para o vindeiro 21 de Xuño e gustaríanos moito contar coa vosa presenza para esa xornada.

Para ese día, pensamos organizar unha xornada de *Olimpiadas alternativas*, (no marco da campaña Xoga Limpo Nas Olimpiadas) tratarase dunha parodia dos xogos olímpicos onde denunciaremos a explotación laboral que sofren as/os traballadoras/es chineses e outros, especialmente na industria textil, e textil-deportiva. Lembraremos que detrás de marcas deportivas tan de moda e tan visibles nas Olimpiadas (Nike, Adidas..) achamos explotación infantil, e violación sistemática dos dereitos laborais.

Serán ao redor duns 4 ou 5 xogos:

- Tirada Olímpica de Bolos (os bolos á abater serán o “FMI”, “OMC”, “Comité Olímpico Internacional”,etc) haberá moitas trabas que impidan a súa caída simulando a favorable situación coa que contan estes organismos..

- Cosido Olímpico infantil de balóns.

- Regata olímpica de deslocalización de empresas, etc..

Estamos tentando que participen diversos colectivos sociais, organizacións, asociacións... de Vigo, e, ao mesmo tempo, gustaríanos contar tamén con vós.

Se estades interesad@s en participar ou apoiar esta xornada-denuncia, poñédevos en contacto conos.