Este último fin de semana de agosto (30 e 31 de agosto) chega a Vigo, a campaña “Non queremos naufragar! En Acción perante a Mudanza Climática” que está levando a cabo Ecologistas en Acción por todo o litoral español, e coa colaboración de Verdegaia a nivel galego.

As zonas máis vulnerables á Mudanza Climática son as zonas costeiras, pola gran incidencia dos impactos (aumento da temperatura e suba do nivel do mar, aumento da enerxía da ondada, perda dos ecosistemas mariños.. ) e pola cantidade de persoas que viven no litoral.

O sábado día 30 de agosto ás 20h, levarase a cabo a proxección dun documental da Campaña no Museo do Mar de Galicia (Avda. Atlántida, 160 Alcabre – Vigo), seguido dun posterior debate onde esperemos contar coa participación do público.